Kolonel Dritan Demiraj rikthehet në ushtri si një colonel jo më në lirim, por aktin në Forcat e Armatosura. Koloneli që mbajti edhe postin e Ministrit të Brendshëm në qeverinë “teknike” para zgjedhjeve të 25 qershorit nga dita e sotme është një ushtarak aktiv.
Këtë lajm Demiraj e ka bërë publik me anë të një postimi në Facebook dhe shkruan se e drejta vonoi por u vu në vend. Ai u shkarkua nga ish-ministja e Mbrojtjes Mimi Kodheli, por tashmë është rikthyer në detyrë nga ministrja aktuale Olta Xhaçka. “Do te ishte e padrejte te mos shprehja mirenjohjen time per MM zonjen Olta Xhacka, per qasjen dhe adresimin shtetar te rastit tim. Me kete rast ju siguroj se “si ushtar i atdheut” do te vijoj te kontriboj me profesionalizem, perkushtim, perulesi dhe pergjegjshmeri ne dobi te mbrojtjes dhe prosperitetit te mbare kombit”, shkruan më tej Demiraj.
Postimi i plotë
Te nderuar miq!
Sot me rastin e rikthimit si kolonel aktiv ne FA, kam deshire te ndaj me Ju disa mesazhe. Ju falenderoj perzemersisht, emer per emer, per vemendjen, solidaritetin dhe mbeshtetjen qe me keni dedikuar ne betejat institucionale, morale dhe gjyqsore per tu rikthyer ne sherbimin aktiv te FA te RSH. E drejta vonoi pak, por me ne fund u vu ne vend. Ketu nuk ka vend as per triumfalizem por dhe zero arrogance nga ana ime. Do te ishte e padrejte te mos shprehja mirenjohjen time per MM zonjen Olta Xhacka, per qasjen dhe adresimin shtetar te rastit tim.
Me kete rast ju siguroj se “si ushtar i atdheut” do te vijoj te kontriboj me profesionalizem, perkushtim, perulesi dhe pergjegjshmeri ne dobi te mbrojtjes dhe prosperitetit te mbare kombit. Artdheu, Detyra dhe Nderi do te mbeten pasaporta e vetme deri ne fund te jeten time.
Kolonel DD, PhD (Nderi i Kombit).
