Senatorja e Illinois, Tammy Duckworth ka marrë foshnjen e saj 10 ditëshe në Dhomën e Lartë të Kongresit amerikan.
50-vjeçarja mbërriti në Kongres me vajzën Maile në krahë dhe hodhi një votë për emërimin e administratorit të NASA-s.
Maile ka hyri në histori si foshnja e parë që hyn në Kongresin amerikan dhe nëna e saj është senatorja e parë në SHBA që ka sjellë në jetë fëmijë gjatë kohës që ka qenë në detyrë.
Ardhja e vogëlushes ndezi debatin mbi politikat e lindjes amerikane. Është vendi i vetëm i zhvilluar në botë që nuk ofron leje lindje të paguar për prindërit e rinj.
Senatorët votuan njëzëri të mërkurën lejimin e foshnjave në Dhomën e Lartë, duke argumentuar se një politikë më miqësore ndaj familjes do të paraqiste një shembull për kombin.
