Nënkryetari demokrat i Kuvendit, Edi Paloka, akuzoi Kryeprokuroren e Përkohshme, Arta Marku, si të kapur politikisht. Paloka tha se Edi Rama vendosi Arta Markun që të kishte dorë të lirë, ndërsa shtoi se me urdhër të Kryeministrit po mbahen sot në burg 11 protestues të ‘Rrugës së Kombit’, që kundërshtonin vendosjen e taksës.
I pranishëm në studion e Report Tv, Paloka tha se PD nuk mbron aspak punën e ish-Kryeprokurorit Adriatik Llalla, i cili drejtoi organin e akuzës në një kohë kur kishim qeverinë më të korruptuar.
“Llalla nuk çoi në burg asnjë zyrtar të korruptuar, megjithëse ishte kryeprokuror në një kohë kur kishim qeverinë më të korruptuar”, tha Paloka.