Partizani ka mundur me rezultatin minimal 1-0 Kamzën, ndeshje kjo e vlefshme për javën e 27-të të Kategorisë Superiore. Goli i braziliani Kardozo, i cili u hodh nga stoli u dha tri pikët të kuqve, të cilët pas këtij triumfi ngjiten në vend të tretë.
Partizani ishte më konkret në këtë sfidë, teksa goditi traversën në pjesën e parë me Gojkoviç dhe iu afrua ndjeshëm golit më Abdurahimin dhe Trashin. Ndërkohë edhe vendasit nga Kamza kishin shanset e tyre, por nuk arritën t’i shfrytëzonin. Me humbjen e sotme, Kamza është futur në zonën e ftohtë dhe do luftojë për mbijetesë.
Një fitore arriti dhe Luftëtari që mposhti pa vështirësi 2-0 Lushnjën. Në Gjirokastër vendosën golat e Kristal Abazaj dhe Bregu duke i dhënë një 3-pikësh mjaft të çmuar bluzinjve që vazhdojnë të shpresojnë në një vend në Kupat e Europës.