Ai është shtatë vjeç dhe vuan nga sindroma “Tourette”, e cilësuar si një çrregullim neurologjik i karakterizuar nga lëvizje të përsëritura, stereotipike, të pavullnetshme dhe shqiptime.
Përpos sëmundjes, vogëlushit i duhet të përballojë edhe ngacmimet dhe talljen e shokëve të tij.
Prandaj, së bashku me motrën më të madhe dhe nënën, ai regjistroi një video ku i kërkonte shokëve që të mos e ngacmonin me.
Gavin Clampett tregon sesi për shkak të zhurmave të pavullnetshme, shpesh përballet me trajtime dhe komente mizore nga fëmijët në autobusin e shkollës apo edhe në klasë.
Madje, edhe një mjek tek i cili shkoi të vizitohej, jo për sëmundjen tij, nisi të tallej me zhurmën e nuhatjes që shpesh ai bën dhe nuk është në gjendje të kontrollojë.
Në një përpjekje për të frenuar komentet e pahijshme, nëna e Gavinit, Rebecca Clampett, 32 vjeç, e ndihmoi atë të realizonte videon.
Ajo u shpreh se: “Ne mund të merremi me sëmundjen, vetëm duke u mësuar të gjithë të tjerët ta pranojnë atë gjithashtu. Ju e shikoni sindromën Tourette në media ose shikoni një film dhe 99 përqind të kohës ju garantoj se përdoret si një shaka”, u shpreh ajo.
Teka sa herë që u thotë të njohurve se djali i saj është i sëmurë me sindromën Tourette, të gjithë e pyesin menjëherë për zhurmat.
Clampett thotë se kërkon që prindërit të ndërgjegjësohen për këtë sëmundje si edhe t’ju vijë në ndihmë të gjithë fëmijëve që vuajnë.
Motra e madhe Brynn, e cila ndihmoi vëllain për realizimin e videos, u shpreh: “Shkolla mund të jetë e vështirë për të gjithë fëmijët që vuajnë. Të gjithë e dimë që ndonjëherë mund të keni një ditë të vështirë”.
“E ndjej që vëllai im dhe çdo fëmijë tjetër që ka sindromën e Tourette janë të guximshëm. Pra, jini të mirë me ta dhe mos i trajtoni ndryshe, sepse ata janë ashtu si ju” shtoi Brynn.
Në përfundim të videos Gavin shprehet: “Të gjithë mund të luajnë me dikë. Disa njerëz mendojnë se nuk mundem sepse jam ndryshe dhe kam sindromën Tourette, por unë mund të luaj.
