Ambasada Amerikane në Tirana ka paralajmëruar të gjithë ata qytetarë shqiptarë që janë të interesuar për viza në SHBA, që të mos bien pre e mashtrimeve.
Përmes një statusi në faqen zyrtare në ‘FB’ ambasada u bën thirrje qytetarëve që të mos paguajnë para askujt që premton viza.
“🇦🇱️ | Kurrë mos i paguani para dikujt që ju premton një vizë për në Shtetet e Bashkuara. #PyetAnnën! 👩💻”, thuhet në mesazhin e ambasadës. Kujtojmë se pak kohë më parë në Shqipëri u godit një bandë e strukturuar kriminale, e përbërë nga 7 grupe, të cilët çonin emigrantë klandestinë në SHBA dhe në Kanada, në këmbim të shumave të mëdha të lekëve.