Ish-presidenti francez Nikolas Sarkozi do të përballet me gjyq për akuzat se ai ka keqpërdorur ndikimin e tij për të siguruar detajet e rrjedhura të një hetimi mbi parregullsitë në fushatën e tij zgjedhore të vitit 2007, njoftoi “Le Monde” të enjten.
Rasti ndodhi pasi hetuesit përdorën thirrjet telefonike për të shqyrtuar akuza të veçanta se si udhëheqësi libian Muamar Gadafi financoi fushatën e Sarkozisë.
Prokurori financiar i Francës ka konfirmuar se ish-presidenti do të gjykohet edhe për ndikimin e tij.
Hetuesit që shqyrtuan të dhënat dyshojnë se ai po monitoronte hetimin duke përdorur një rrjet informatorësh. Rasti do të vijë përpara gjykatës më të lartë të Francës.
Avokatët e Sarkozi thanë në një deklaratë se ata do të apelojnë vendimin për ta marrë atë në gjykatë.
Vendimi vjen vetëm disa ditë pasi Sarkozi u padit për financimin e paligjshëm të fushatës, shpërdorimin e fondeve publike libiane dhe korrupsionin pasiv.
Sarkozi, i cili ishte president i Francës nga viti 2007 deri në 2012, mohon të gjitha akuzat kundër tij. Akuzat fillimisht dolën në vitin 2012 dhe një hetim gjyqësor filloi një vit më vonë.
