Një burrë që ka kryer marrëdhënie seksuale me një grua të martuar është dënuar në mënyrë mizore. Ai është lidhur në pemë me kokë poshtë dhe është rrahur nga bashkëshorti i së dashurës së tij.
Vetëm një ditë më parë gruaja është goditur 100 herë me kamzhik për shkelje kurore.
Burri i paidentifkuar u lidh në degën e një pemë në Bulandshahr, Uttar Pradesh dhe u dhunua. Në video tjetër e tregon atë të strukur në tokë ndërsa një turmë e madhe e sulmon me shkopinj. Një ditë më parë gruaja që shkeli kurorën ishte lidhur në kyçet e dorës dhe u godit 100 herë nga bashkëshorti.
Më pas disa burra e ngacmuan seksualisht dhe tentuan ta përdhunonin. Sipas policisë gruaja ishte larguar së bashku me të dashurin javën e parë të marsit dhe ishin strehur në shtëpinë e një të afërmi.
Më 10 mars burri i dërgoi disa njerëz për ta bindur atë të kthehej në shtëpi, duke i thënë se do të harrojnë të kaluarën e do të fillojnë sërish jetën e tyre. Por sapo u rikthye, u ngrit një gjykatë për ti dhënë dënimin. Kur gruaja u dhunua nga bashkëshorti ra pa ndjenja në tokë. Grupi i meshkujve që qëndronin rreth e përqark e ngacmuan seksualisht dhe më pas u përpoqën ta përdhunonin kur i ra të fikët. Por kur gruaja erdhi në vete sipas fshatarëve arriti që të largohej me vrap.
Edhe pse u kërcënua që të mos denonconte, ajo akuzoi bashkëshortin për dhunën e ushtruar.
