Një person është plagosur me armë zjarri mbrëmjen e sotme në Shkodër.
Ngjarja ka ndodhur në afërsi të shkollës “Oso Kuka”, ndërsa nuk dihet ende identiteti i të plagosurit.
Sipas policisë, ai ka marrë një plumb në trup dhe ndodhet në spitalin e Shkodrës jashtë rrezikut për jetën. Policia po punon per identifikimin dhe kapjen e autorit të plagosjes rrethanat e së cilës nuk dihen ende.
Njoftimi i policisë
Më datë 28.03.2018, rreth orës 21.20 , ka ardhur një telefonatë ne sallën operative se në afersi te shkolles “Oso Kuka “ lagje Vojo Kushi Shkoder, është dëgjuar një e shtënë arme zjarri.
Menjëhere kanë shkuar shërbimet e policisë ku nga verifikimet paraprake rezultoj se është plagosur me armë zjarri shtetasi R. K. 40 vjec banues në lagjen “Vojo Kushi”, i cili është dërguar në Spitalin Rajonal Shkodër dhe ndodhet jashtë rreziku për jetën.
Forca të shumta policie kanë rrethuar zonën për kapjen e autorit të dyshuar.
Grupi hetimor po punon për sqarimin e rrethanave të kësaj ngjarje.
