Një rast grabitjeje është zbardhur nga policia austriake, ku nga kjo mbeti i masakruar një i ri.
Pak javë më parë, në Kufstein të Austrisë, një 19-vjeçar u sulmua nga pesë persona tjerë, me shufra hekuri, duke e lënë të masakruar dhe në luftë me jetën.
“Policia menjëherë u vu në kërkim të agresorëve dhe pas informatave të pranuara ka arritur të zbulojë pesë personat e dyshuar”, – ka pohuar shefi i saj, Albert Maurer, shkruan “ORF”, përcjell albinfo.ch.
Pesë personat e dyshuar janë të moshës mes 15 dhe 18-vjeçare. Dy nga të dyshuarit janë kosovarë, një shtetas rus dhe dy të tjerë austriakë. Ata e kanë pranuar veprën dhe sulmin e kanë kryer për shkak të mungesës së parave.
Atëkohë, viktima ishte dërguar në spital me lëndime të rënda në kokë. 19-vjeçaru gjendet nën përkujdesje e mjekëve. Pesë sulmuesit e dyshuar janë burgosur dhe gjenden në burgun në Innsbruck, ndërsa ndaj tyre është urdhëruar masa e burgimit hetues.
Disa minuta më parë, të dyshuarit i kanë plaçkitur edhe katër adoleshentë të tjerë nën kërcënim, duke iu marrë gjësende me vlerë dhe cigare. Gjithashtu, pesë të dyshuarit natën e njëjtë, ata e kanë sulmuar një person në një lokal nate, duke i shkaktuar lëndime.
Nga mesi i muajit shkurt, ata e kanë sulmuar edhe një person 39-vjeçar në Kufstein, duke i shkaktuar lëndime të rënda në kokë.
