Plagoset rëndë një nxënëse 12-vjeçare në Maliq të Korçës, ndërsa luante në orën e fiskulturës. Ngjarja është regjistruar rreth orës 13.30 të ditës së sotme dhe mësohet se 12-vjeçarja pasi është rrëzuar ka marrë goditje pas koke dhe gjendja e saj është e rëndë.
Ajo është dërguar me urgjancë me helikopter drejt Tiranës dhe po i nënshtrohet një ndërhyrje kirurgjikale. Policia ka shkuar në vendin e ngjarjes dhe po heton për rrethanat e aksidentit.
Sipas dëshmisë së mësuesve dhe nxënësve, ndërsa ishin në orën e fiskulturës dhe po luanin, vajza ka humbur ekuilibrin dhe ka rënë me kokë në një gur, duke i shkaktuar një plagë të thellë.
