27 marsi është Dita Botërore e Teatrit. Por kjo ditë i gjen artistët dhe aktorët shqiptarë në protestë, kundër vendimit për prishjen e godinës aktuale dhe ndërtimin e një tjetër godine.
Regjizori Kastriot Çipi tha se çështja e teatrit nuk është çështje vetëm e artistëve, më së pari është e qytetarëve.
“Ne po punojmë në disa fronte: Po kërkojmë të bëhet plotësisht transparencë. Bëhet fjalë për Bashkinë e Tiranës, Ministrinë e Kulturës dhe Këshillin e Ministrave. Jemi të mobilizuar në sensibilizimin e opinionit publik që kjo çështje të gjejë konsensus, gjithmonë më e gjerë dhe së treti pse ky teatër duhet ruajtur dhe cilat janë vlerat e tij?”, u shpreh Çipi.
Në vijim ai shprehet se Ministria e Kulturës prej 5 vjetësh refuzon të bëjë investime në Teatrin Kombëtar me argumentin se kjo ndërtesë është e rrezikshme, nuk mund të riparohet dhe duhet të shembet, ndërkohë nuk ka marrë mundimin t’i bëjë një copë letër Institutit të Ndertimit siç e ka detyrim ligjor.
