I lodhur me bisedimet shqiptaro-greke , Kryeministri vendosi të udhëtoj drejt Turqisë për tu relaksuar pranë Erdoganit. Thonë që Turqit që në kohën e Perandorisë Osmane kanë mjete dhe metoda speciale shlodhjeje. Ky udhëtim nuk i ka lënë kohë të udhëtojë drejt zonave të përmbytura në Shkodër, megjithëse situata e rëndë vazhdon prej gati 3 javësh. Në vend të shihte nga afër dëmet dhe të takonte banorët e zonës, kryeministri fluturoi drejt Turqisë, sepse Erdogani (me gjasë si sulltanët e dikurshëm i thërriste bejlerët) e thirri atje pranë vetes .
Por të ndenjurit ngrohtë në prehrin e Erdoganit duket se i riktheu kujtesën për banorët e Shkodrës. Ai i bëri një krahasim të situatës me një postim në profilin e tij në Facebook. Duke bashkangjitur dy foto, Rama tenton të tregojë të vërtetën e tij për atë që po ndodh, përtej asaj që e quan “propaganda e kazanit digjital”.
Të dyja fotot janë bërë në qytetin e Shkodrës. Ndërkaq bashkia raportoi këtë të dielë, se gjithsej janë 500 hektarë të përmbytur, zona ku banorët nuk furnizohen as me ujë, as me energji elektrike.
Në Obot dhe Dajç, Rama dërgoi zv.kryeministren Senida Mesi, Ministrin për Evropën dhe Punët e Jashtme, Ditmir Bushatin si Shkodranë të vërtet. Ndërsa Ministresha e Mbrojtjes Olta Xhaçka thonë burime nga stafi i saj se e bën për qejf vizitën në këto zona..
Situata në Shkodër vazhdon të jetë dramatike. Banorët janë të izoluar nga uji dhe lëvizin vetëm me varka. Në disa foto që shpërndau agjensia fotografike LSA, duket qartë që fshatrat e Shkodrës janë të zhytur nën ujë.
Mohimi që Rama i bën përmbytjeve në Shkodër dhe krahasimet cinike me një dekadë më parë, janë të pështira dhe tregojnë mentalitetin e mosqeverisjes. Kur Rama ishte në opozitë i quante katastrofa përmbytjet në Shkodër dhe e drejtonte gishtin nga institucionet inekzistente ndërsa tani fajëson opozitën dhe median. Ai vërtet nuk di se çbën.
