Turistët preferojnë Shqipërinë edhe në dimër

Turistët e huaj  nuk po e preferojnë Shqipërinë vetëm në verë për bregdetin e bukur, por edhe në dimër.

Të dhënat e Institutit të Statistikave tregojnë se gjatë dy muajve të parë të këtij viti, numri i shtetasve të huaj të hyrë në vendin tonë vlerësohet në 422.869, duke u rritur 18.0 %, në krahasim me të njëjtën periudhë të vitit 2017.

Polonia është shteti që ka pasur hyrjet më të larta të shtetasve në Shqipëri, me 23.3 % .

Shtetasit e huajt kanë preferuar rrugën tokësore për të hyrë në territorin shqiptar. Sipas të dhënave zyrtare, hyrjet e shtetasve shqiptarë dhe të huaj në muajin shkurt 2018, në rrugë tokësore zënë peshën më të madhe të hyrjeve gjithsej me 80.3 %, ndërsa hyrjet në rrugë ajrore zënë 15.7% dhe detare zënë 4.0 %.

Përsa i përket shqiptarëve që kanë dalë jashtë vendit, numri i tyre në dymujorin e parë të këtij viti ka qenë 1.2 milionë persona, me rritje 17.5 % kundrejt të njëjtës periudhë të një viti më parë

Pjesa më e madhe e të huajve që kanë shkelur territorin shqiptar në dy muajt e parë të 2018-ës kanë qenë për arsye personale.

Nga të dhënat e detajuara të INSTAT-it rezulton se për arsye personale kanë ardhur 413.7 mijë të huaj, me rritje 17.6 për qind kundrejt të njëjtës periudhë të një viti më parë.

Rritje të ndjeshme, me 33.6% ka shënuar edhe numri i atyre që kanë zgjedhur SËhqipërinë për pushime, pasuar nga arsyet profesionale dhe për biznes.

Në Shqipëri kanë hyrë gjatë muajve të parë të këtij viti mbi 9 mijë shtetas të huaj ose 36.5% më shumë se në të njëjtën periudhë të një viti më parë.