“Shqiponja e zezë” ishte operacioni i zhvilluar i policisë italiane ku si fillim u ndaluan 16 persona. Më pas, për 14 prej tyre, gjykata dha masën e “arrestit me burg”. Bëhet fjalë për 11 shqiptarë dhe 3 italianë.
Siç raportuan fillimisht mediat italiane gjatë operacionit u sekuestrua 440 kilogramë marijuanë, rreth 10 kilogramë heroinë dhe një sasi e konsiderueshme përzierës për heroinën.
Në fakt, sipas prokurorit Nicola Piacente “koka” e këtij grupi fshihet në Spanjë. Përveç futjes së drogës në Zvicër grupi kriminal i ka tentakulat edhe në Holandë, Spanjë dhe Shqipëri.
Shqiptari dhe grupi që ai drejtonte, sipas policisë ka futur në territorin italian sasi të konsiderueshme kokaine nga Spanja dhe Holanda. Ndërsa kanabisi vinte nga Shqipëria. Pasi furnizohej tregu vendas, një sasi e drogës futej dhe në Zvicër.
Gjithashtu hetuesit italianë thonë se kanë identifikuar dhe një shqiptar tjetër, shofer kamioni që është përgjegjës për futjen e 200 kg kokainë nga Spanja dhe Holanda. Po ashtu grupi ka futur edhe përzier kokainë në Shampo.
