Chelsea ka bërë lëvizjen e parë për të nënshkruar me yllin e Inter, Mauro Icardi.
Pas Real Madrid edhe gjigantët anglezë janë vënë pas sulmuesit argjentinas.Falë përformancës së tij të shkëlqyer me fanellën zikaltër, ku ka shënuar 22 gola në 26 ndeshje këtë sezon, disa prej ekipeve më të mëdha në Evropë kërkojnë shërbimet e tij.
Por “Blutë e Londrës” janë futur në garë seriozisht për lojtarin dhe janë gati të ofrojnë 55 milionë paund për të blerë kartonin e tij.
Gazetari italian Fernando Czyz konfirmoi se bashkëshortja dhe njëkohësisht agjentja e tij ka marrë ofertën nga londinezët por pritet t’a diskutojnë të dy palët më pas për të vendosur për të ardhmen e tij.
Klubi anglez ka shpenzuar 60 milionë paund për ish-yllin e Juves dhe Real Madrid, Alvaro Morata-n merkaton e kaluar në verë, por ende nuk ka gjetur formën e tij me fanellën e “bluve”. Sulmuesi spanjoll ka shënuar vetëm një gol në fillim të vitit me ekipin, më pas u dëmtua dhe së fundmi nuk ka lënë asnjë gjurmë në fushën e blertë.
Interi pritet të refuzojë ofertën pasi sipas tyre e shohin më shumë si një deklaratë me qëllim se sa një ofertë serioze.
Icardi pikasi në ndeshjen e fundit që ekipi luajti fundjavën e kaluar ndaj Sampdorias. Ylli argjentinas shëni katër gola në fitoren 0-5 në transfertë ndërsa ka mohuar që do të largohet nga “San Siro”.
Përkundrazi, pavarësisht ofertave që vijnë për të, ai së bashku me agjenten e tij, Wanda Nara po diskuton me drejtuesit e klubit zikaltër detajet e zgjatjes së kontratës. Lojtari e ka shprehur publikisht se dëshiron të luajë deri në moshën 30-vjeçare me zikaltërit.
“Unë dua të fitoj me Interin, pasi ky klub ka prej vitesh që nuk fiton”- ka thënë Icardi.
Kontrata aktuale e tij përfundon në vitin 2021 dhe ka një klauzolë prej 96 milionë paund.
