Përfundon seanca e parë e Vetingut, për gjyqtarin Fatos Lulo të përfaqësuar nga avokti i tij Ardian Visha. Në deklaratën e tij ai kërkoi që të mos spekullohet në media me pasuritë e dhuruara prej qindra mijë eurosh.
“Pasuritë e tij në Kanada prej 48 mijë USD nuk janë të mirëqëna, por vetëm një ide biznesi e familjes së tij e parealizuar në vitet 200-2001. Nuk ka asnjë problematikë në 14-15 vite. Ka përpjekje për “të zhvarrosur kufoma”; e gjithë përpjekja për të krijuar probleme të karakterit financiar për z.Lulo janë të paqëna për mua”.-shprehet avokati Visha.
Ai ka paraqitur ditën e sotme një sërë aktesh kryesisht që provojnë të ardhurat e motrës së z.Lulo, tërësisht legjitime. Zonja Lulo ushtron disa aktivitete”. Komisioni i Pavarur i Kualifikimit e ka shtyrë seancën për të premten vazhdimin e seancës për gjyqtarin e Kushtetueses, Fatos Lulo.
