Ish-mbrojtësi i Milan, Costacurta, tani në rolin e presidentit të federatës italiane të futbollit, ashtu edhe De Biasi, pak ditë më parë ishin të ftuar në një emision televiziv sportiv.
Costacurta u pyet për emrat që po shqyrtonte për kombëtaren si Ancceloti, Conte, Ranieri, Mancini apo Di Biagio. Por ai i çuditi të gjithë duke zbuluar kandidaturën e re për përfaqësuesen.
“Edhe në këtë tavolinë ka një emër që mund të drejtojë Italinë”, – tha ai duke iu drejtuar De Biasit. “Kemi një grup trajnerësh të mirë. Por emrin e ri do ta mësoni brenda prillit dhe majit”, – theksoi Costacurta.
Në këtë sitatë De Biasi kthehet “në lojë”, i cili gjithsesi do të jetë pranë përfaqësueses italiane, por me një rol tjetër në miqësoret e muajit mars.
Ai do të jetë komentatori teknik i rrjetit televiziv RAI gjatë transmetimit të dy miqësoreve që Italia do të luajë në ditët e ardhshme ndaj Argjentinës dhe Anglisë.
