Zbulohet detaje të reja nga operacioni “One If- By Land” kundër grupeve kriminale që trafikonin klandestinë me pasaporta false drejt Anglisë, SHBA dhe Kanadasë. Mes 39 personave të arrestuar janë të përfshirë edhe 4 punonjës të polcisë së Hanit dhe Hotit dhe të Qafë Thanës, të cilët akuzohen për shpërdorim detyre.
Çelnik Maksuti, 53-vjeç me detyrë kontrollor në P.K.K Qafë Thanë, Ilir Ismaili, 32-vjeç me detyrë kontrollor në P.K.K Qafë Thanë dhe 28-vjeçari Erjon Maxhari, kontrollor po në Qafë Thanë. Gjokë Ujkaj, 46-vjeç me detyrë kontrollor në P.K.K Hani Hotit Shkodër. Sipas hetimeve të deritanishme dyshohet se policët paguheshin nga grupet kriminale që të mos kryenin kontrolle dokumentash ndaj klandestinëve në pikat e kalimit kufitar si dhe të mos i regjistronin në sistem.
Mësohet se dy shtetas me kombësi bullgare të cilët janë ende në kërkim, mundësonin falsifikimin e dolumenteve. SHÇBA ka arrestuar edhe një tjetër punonnjës policie, Adriatik Bakiasi i cili akuzohet për dekonspirim të operacionit, pasi dyshohet se njoftoi një pjesë të grupeve kriminale se ata do të arrestoheshin.
