E ndërsa kanë mbetur edhe pak ditë nga ndeshja miqësore e Shqipërisë, trajneri Kristin Panuçi, në një konferencë për shtyp ka folur për testin ndaj Norvegjisë që do të zhvillohet ditën e hënë.
Ai ka bërë të ditur se arsyet se pse nuk grumbulloi Ansi Agollin, ndërsa ka shtuar se do të kishte dashur ta trajnonte kur ishte 28 vjeç.
Pse shmangët Agollin për të dytën herë radhazi, çfarë po ndodh me atë?
Në shtator Agolli mbush 36 vjeç, në momentet që fillojnë eliminatorët zyrtare, në momentin do të mendojmë zëvendësuesit. Kam folur me Agollin dhe i kam përcjellë faktin, që në qoftë se do të kem nevojë do ta kem në konsideratë.
Duhet të jem shumë i qartë në atë që po ju përcjell. 36 vjeç kur fillojnë eliminatoret dhe 38 vjeç kur luhet eliminatoret. Është një profesionist shumë serioz. Do kisha dashur ta trajnoja kur ishte 28-vjeç. E ndjej obligim për të kërkuar diçka tjetër, për veç faktin e moshës që është 36 vjeç.
Kapiteni i ardhshëm…?
Në ditën që u prezantova si trajner, mbani mend si u thashë. Ai që ka më shumë prezencë do të jetë kapiten. Kapiteni i ekipit Kombëtar, është ai që do të ketë më shumë ndeshje. Llogaritë i bëni vetë kush do jetë kapiteni i ekipit Kombëtar për ndeshjen e së hënës
Mendoni se do jetë ky grupi që do përgatisni eliminatoret?
Që nga ky moment, e deri në qeshor unë do të provoj lojtar të rinj. Një bazë e kam vendosur, por do të thërrasë lojtarë të rinj.
Sadikun e njoh, por duhet të them që në këtë moment është një problem për të sepse po luan pak. Kemi një javë kohë. Kemi rikuperuar Balën dhe Cikalleshin, kemi 3 sulmues, që më pëlqejnë. Do ta shikojmë të hënë për sa i përket skemës.
Ishte e drejtë ta grumbulloja Sadikun për veç faktin që ekipi Kombëtar është një motiv më shumë. Ai jeton brenda zonës edhe pse ka luajtur vetëm 30 % të ndeshjeve.
