Largimi i fantazistit Andres Iniesta nga Barcelona në fund të sezonit duket i pashmangshëm,ndaj dhe skuadra “blaugrana” kërkon të gjejë një zëvendësues të denjë.
Pavarësisht,afrimit të sulmuesit brazilian Philipe Coutinho nga Liverpool në janar,kjo nuk mjafton,ndaj Barcelona kërkon një tjetër yll.
Barcelona i ka vënë syrin mesfushorit të Real Madrid, Isco Alarcon.
Lajmin e ka bërë të ditur e përditshmja spanjolle “Don Balon”, që shprehet se është Isco i cili mund të zerë vendin e patriotit të tij Iniesta te Barça.
Por është e vështirë që skuadra e “los blancos” të lërë të lirë talentin 25 vjeçar,aq më tepër për të luajtur me rivalët e përjetshem të Barcelonës.
Isco ka ende një kontratë me Real Madridin, e cila skadon në vitin 2020.Gjithashtu vlera e kartonit të tij shkon deri në 75 milion euro.
