Policia e Tiranës sekuestron 256 gram kokaine janë arrestuar 5 përsona. Sipas njoftimit nga Policia e Tiranës në një operacion të mëngjesit të së dielës janë sekuestruar 256.5 gram lëndë narkotike kokainë.
Lënda narkotike ishte e fshehur në dy automjete. Uniformat blu kanë arrestuar pesë persona, që shisnin kokainën në zonën e Oxhakut ose sic njihte ndryshe, Xhamlliku.
Të ndaluarve u janë sekuestruar gjithashtu 8 telefona celularë dhe dy automjete tip “Golf5”.
Në prangat e policisë kanë rënë:
Shpëtim Myrta – 51 vjeç, banues në Elbasan, i dënuar më parë.
Mariglen Gostima – 26 vjeç, banues në Elbasan, i dënuar më parë.
Elton Hasnjoku – 41 vjeç, banues në Tiranë.
Armand Pisha – 28 vjeç, banues në Elbasan.
Migen Jani – 34 vjeç, banuese në Elbasan.
Sipas njofitmit të policisë: “Arrestimi i këtyre shtetasve u bë pasi në bazë informacioneve të marra në rrugë operative që dispononte Seksioni për Narkotikët në Drejtorinë Vendore të Policisë Tiranë. Në drejtim të goditjes së veprimtarisë të kundraligjshme në fushën e narkotikëve rezultonte se: shtetasit e mësipërm në bashkëpunim me njëri tjetrin shisnin lëndë narkotike e llojit të dyshuar ” Kokainë” me klientelë kryesisht në zonën e Oxhakut, Xhamllikut etj në qytetin e Tiranës”.
