Një 18-vjeçare është në kërkim nga Policia pasi ka bërë kallëzim bashkëshorti i saj 10 vjet më i madh, i cili ka kallëzuar se pak ditë më parë ajo ka ikur nga shtëpia.
Sipas burimeve policore, 28-vjeçari E.J. është paraqitur një ditë më parë në komisariatin numër 4 në kryeqytet dhe tha para uniformave blu se është larguar nga banesa ku jetonin, bashkëshortja A.GJ, 18 vjeçe.
Policia ka bërë verifikimet e para, nga të cilat rezultoi se ajo nuk ndodhet në Shqipëri.
Sipas policisë, se në sistemin TIMS rezulton se e reja ka kaluar në PKK Kapshticë, me autobus.
Po punohet për shoqërimin e saj, njofton Policia. Ndërkohë, materialet hetimore u referuan në Prokurorinë e Rrethit Gjyqësor Tiranë.
