Një aksident i rëndë ka ndodhur paraditen e sotme në aksin rrugor Mërtish-Grabian në Lushnjë. Një makinë ka përplasur një biçikletë, duke sjellë edhe plagosjen e rëndë të çiklistit.
Në polici është shoqëruar policia drejtuesi i mjetit tip “Volkswagen”.
Njoftimi i policisë për aksidentin:
Në datën 26.12.2017, ora 10:10, në aksin rrugor Mërtish-Grabian, shtetasi A.P, 32 vjeç, banues në Lushnje, duke drejtuar mjetin tip “Volkswagen” është përplasur me shtetasin Gj.P, 50 vjeç, banues në fshatin Këmishtaj, i cili drejtonte një biçikletë.
Si pasojë e përplasjes është dëmtuar drejtuesi i biçikletës, i cili ndodhet në Spitalin Lushnje në gjendje të rëndë shëndetësore.
Është shoqëruar në Komisariatin e Policisë Lushnje drejtuesi i mjetit tip “Volkswagen” dhe po punohet për zbardhjen e shkakut të ngjarjes.
