Qindra shqiptarë emigrantë janë kthyer në vendlindje për festat e fundvitit duke shkaktuar fluks në pikat kufitare me Greqinë edhe me Malin e Zi.
Raportohet se në pikën kufitare të Muriqanit për shkak se pala malazeze punon vetëm me një sportel, në doganë janë krijuar radhë të gjata.
Trafiku i makinave shkon në rreth 1 kilometër, ndërkohë që në mjete ka dhe shumë fëmijë.
Qytetarët bëjnë apel për zgjidhjen e situatës pasi temperaturat e ulëta dhe orët e natës e vështirësojnë qëndrimin e tyre.
