Këshilli i Sigurimit të Kombeve të Bashkuara ka votuar njëzëri rezolutën e hartuar nga SHBA për të vendosur sanksione më të rënda ndaj shtetit komunist të Koresë së Veriut. Ashpërsimi i sanksioneve vjen pas testeve të fundit të raketave balistike nga regjimi i Kim Jong Un.
Sipas rezolutës së SHBA, do të ulet deri në 90% importi i benzinës nga Koreja Veriore. Kina dhe Rusia, partnerët kryesorë tregtarë të Koresë së Veriut, votuan pro kësaj rezolute.
Ndaj vendit komunist janë vendosur një sërë sanksionesh dhe masa bllokuese nga SHBA, OKB dhe BE. Ambasadorja amerikane në OKB, Nikki Haley tha se sanksionet janë një mesazh i qartë ndaj Penianit se kundërshtimi ndaj Shteteve të Bashkuara do të sjellë izolim të mëtejshëm.
