Gazetari investigativ Artan Hoxha beson se kryeprokurorja e re e përkohshme Arta Marku do të lëvizë drejtuesit e katër Prokurorive të rëndësishme në Shqipëri, të Tiranës, Durrësit, Vlorës dhe Shkodrës.
Sipas Hoxhës, Arta Marku ishte e vetmja kandidate me platformë të shkruar, por thotë se “kush ja ka shkruar do ta shohim në vijim”.
“Në shtatë kandidatët që dolën përpara Kuvendit të Shqipërisë, e vetmja kandidate që kishte platformë të shkruar ishte Arta Marku, kush ja ka shkruar do ta shohim në vijim.
E dyta, kur dolën 3 kandidatë u bë një ndryshim i minutave të fundit, që duhet të kishin 38 vota. Këti Elezi nuk i mori dot firmat. Pse se u bë e qartë që Arta Marku kishte mbështetjen. Arta Marku ka shumë të ngjarë që të qëndrojë gjatë në atë detyrë dhe gjëja e parë që do bëjë është të lëvizë katër drejtuesit e Prokurorive në Trianë, Durrës, Vlorë dhe Shkodër”, deklaroi Hoxha në emisionin Java.
