Policia ka vendosur të arrestojë disa prej protestuesve që ndodheshin para parlamentit.
Burime bëjnë të ditur se uniformat blu të Tiranës kanë shoqëruar deri tani 5 persona në lidhje me përplasjen e ndodhur para Kuvendit, në tensionin që shoqëroi seancën ku u zgjodh Kryeprokurorja e Përkohshme, që nuk dihet se sa e ka mandatin.
Ndërkohë policia ka rrethuar me shirita të gjithë zonën ku ndodhi përplasja për të kërkuar objekte apo sende që mund të fajësojnë të ndaluarit.
Gjatë protestës, policia sot ka filmuar dhe fotografuar protestuesit, duke i përdorur më pas si prova kundër të ndaluarve.
