“Nga ç’pyll e keni sjellë këtë. Nga ç’pyll ke dalë”. Këto dhe fjalë të tjera kanë dalë mesditën e sotme nga kryeministri Edi Rama në foltoren e Kuvendit.
Ramës i del gjithmonë situata nga duart sapo i përmendet Saimir Tahiri, lidhjet e policisë me drogën, Klemend Balili dhe udhëtimet e sekretarit të tij të Përgjithshëm tek kryeministria, në drejtim të Italisë për të mbyllur dosjet e hapura nga antimafia italiane.
E sot kryeministri është acaruar dhe ka nisur me ofendime ndaj Flamur Nokës.
Ruçi nga ana tjetër, i gatshëm ti plotësojë të gjitha dëshirat Ramës, i tërhoqi vëmendjen disa herë deputetit Noka, i cili vijoi të replikojë i ngritur në këmbë në foltoren përballë Ramës.
Pas kësaj, Ruçi ka vendosur që të përjashtojë nga seanca deputetin e Partisë Demokratike Flamur Noka.
