Kundërshton me dhunë punonjësin e policisë rrugore, arrestohet në flagrancë i riu në Lezhë.
Sot, nga Oficeri i Policisë Gjyqësore pranë Prokurorise së Rrethit Gjyqësor Lezhë, u bë arrestimi në flagrancë i shtetasit te quajtur Sebastjano Malotaj, 22 vjeç, banues në Ishull-Lezhë.
Sic thuhet ne njoftimin e Policise, tek rrethrrotullimi i Shëngjinit në Lezhë, ka kundërshtuar me dhunë efektivin e policisë rrugore të Komisariatit të Policisë Lezhë.
Shtetasi i lartpërmendur udhëtonte me automjetin tip Benz dhe në momentin kur punonjësi i Policisë Rrugore do t’i vendoste masë administrative për shkeljen e rregullave të qarkullimit rrugor, ka kundërshtuar me dhunë punonjësin e policisë.
Materialet i kaluan Prokurorisë se Rrethit Gjyqësor Lezhë për veprën penale “Kundërshtimi i punonjësit të policisë së rendit publik”, parashikuar nga neni 236/2 i Kodit Penal.
