Këshilltari amerikan i sigurisë kombëtare paralajmëroi se kërcënimi ndaj një lufte të mundshme mes Koresë së Veriut dhe SHBA, po rritet gjithnjë e më shumë.
Pas testimit të fundit të raketës bërthamore nga Peniani, Uashingtoni i bën thirrje Kinës të ndalojë importin e karburantit më Korenë e Veriut, pasi në mungesë karburanti, nuk do të mund të hedhin më raketa të tjera, nënvizoi Këshilltari Mek Master.
Rreziku i luftës me Korenë e Veriut po rritet çdo ditë e më shumë, deklaroi këshilltari amerikan i sigurisë kombëtare.
McMaster paralajmëroi në Forumin e Mbrojtjes, se regjimi i Kim Jong-un është kërcënimi më i madh i SHBA dhe rrezikojnë një luftë të mundshmë në çdo kohë. Zyrtari i lartë nënvizoi se Koreja e veriut dhe SHBA janë tashmë në një garë të vërtetë.
I pyetur rreth testimit të fundit të raketave balistike të Koresë së Veriut, McMaster tha se presidenti i SHBA, Donald Trump, është i angazhuar për shkatërrimin e programit bërthamor të gadishullit Korean.
Megjithatë ai nënvizoi se konflikti i armatosur nuk është e vetmja zgjidhje për këtë çështje, por sipas tij, ka disa mënyra të tjera për ta trajtuar këtë problem.
Udhëheqësi koreano-verior, Kim Jong UN, po afrohet dhe madje me ritme të shpëjta drejt SHBA dhe ne nuk kemi shumë kohë për të vepruar, deklaroi MekMaster.
Ai tha se Kina duhet të ndërpresë urgjentisht importet e naftës me Korenë e Veriut, pasi nuk mund të hidhet një raketë pa karburant, dhe kjo do të ishtë zgjidhja më e mirë, tha këshilltari i sigurisë së administratës Trump.
Ndërkohë Agjencia e ngarkuar për mbrojtjen e SHBA-së nga sulmet me raketa është duke kërkuar në bregun perëndimor Korean, për zona në të cilat mund të vendosen mbrojtje të reja kundër raketave.
Këto lëvizje vijnë pasi testet e raketave të Koresë së Veriut kanë sjellë shqetësim për Shtetet e Bashkuara, kundrejt një sulmi të mundshëm. (Burimi: Ora News)
