Banorët e shtetit amerikan të Hauajit janë zgjuar nga sirenat e fuqshme që paralajmëronin për sulm bërthamor, për herë të parë që nga fundi i Luftës së Ftohtë.
Fatmirësisht gjithçka ka qenë pjesë e një stërvitjeje nga ana e ushtrisë amerikane, për shkak të kërcënimit bërthamor të Koresë së Veriut. Megjithatë frika e sulmi po rritet dita-ditës pasi Kim Jong-un ka testuar një seri raketash balistike dhe në shtator ka kryer testin e gjashtë të tij bërthamor.
Shteti amerikan i Paqësorit, po mban tashmë stërvitje mujore, të cilat fillojnë me sirena që paralajmërojnë per sulme bërthamore apo fatkeqësitë natyrore, si cunami.
Sinjali i sulmit bërthamor paralajmëron banorët dhe turistët që të qëndrojnë brenda dhe të presin udhëzime të mëtejshme.
Hera e fundit që në këtë shtet ra një sirenë paralajmëruese për sulm bërthamor ishte në vitet 1980, në fundin e Luftës së Ftohtë. Por duket se alarmi që zgjoi banorët mëngjesin e së premtes do të përsëritet çdo muaj.
Kreu i Agjencinë së Emergjencave në Havai, tha se ishte “shumë e rëndësishme” që banorët të kuptonin se çfarë do të thotë alarmi për sulm bërthamor dhe rrezikun që i kanoset vendit.
“Një raketë nisur nga Koreja e Veriut mund të sulmojë Hauajin brenda 20 minutave”, shtoi ai./Pershtati SYRI.net/
