Policia e Lezhës ka dhënë detaje lidhur me dinamikën e aksidentit me vdekje të ndodhur pasditen e sotme, ku viktimë mbeti një 42-vjeçar, Afrim Dani.
Njoftimi i Policisë
Me datë 01.12.2017, rreth orës 15:10 është marre njoftim se në Milot ka një aksident.
Menjëherë në vendngjarje kanë mbërritur shërbimet policore që kanë konstatuar se Ambulanca e Burrelit me targa AA948DH me drejtues shtetasin Q.B, ku brenda ka pasur drejtuesin e mjetit, një te sëmurë dhe një shtetas tjetër që shoqëronte të sëmuren, ka humbur kontrollin dhe për pasoje është përplasur lehtë me mjetin me targa BGA006 si dhe me pas ka dale nga rruga duke u përplasur me një grumbull inertesh dheu.
Për pasoje është dëmtuar shoqëruesi i të sëmurës shtetasi A.D. 42 vjeç. Gjatë rrugës për në Tiranë shtetasi A.D.,42 vjeç, ka humbur jetën.
Ndërsa shtetasja S.D., 84 vjeçe, është nisur për tek spitali i Shkodrës pasi aty ishte planifikuar për tu trajtuar nga ana shëndetësore.
Nga mjeti tjetër me targa nuk ka të lënduar ne njerëz vetëm dëme të lehta materiale.
Drejtuesi i ambulancës është shoqëruar në Komisariatin e Policisë Kurbin për veprime të mëtejshme.
Grupi hetimor në bashkëpunim me Prokurorine e Rrethit Gjyqesor Kurbin ndodhen në vendngjarje dhe po punojne për zbardhjen e plote të shkaqeve të aksidentit.
