Situata e përmbytjeve duket se po përkeqësohet nga ora në orë për shkak të reshjeve të shumta. Në qarqe të ndryshme të vendit ka nisur evakuimi i familjeve, banesat e të cilëve janë përmbytur.
Ndërkohë probleme ka edhe në shumë akse rrugore, ku situata më e rënduar është paraqitur në autostradën Tiranë-Durrës. Në këtë aks rrugor niveli i ujit arriti në thuajse 1 metër, ndërsa Forcat e Armatosura kanë ndërhyrë për të përmirësuar situatën.
Ndërkohë deputetët, qofshin të mazhorancës ashtu edhe të opozitës, pritet të dalin në terren, sipas zonave zgjedhore ku janë mandatuar, apo të ndarë në qarqe. Kryeministri Edi rama u ka kërkuar ligjvënësve socialistë që tyë angazhohen në ndihmë të qytetarëve.
Ndërkohë Lulzim Basha, kreu demokrat, deklaroi se edhe opozita do të japë ndihmën e saj, me aq sa do të mundet. Basha deklaroi se e rëndësishme është që të shpëtohen jetë njerëzore, në rast rreziku dhe të garantohen pronat e qytetarëve.
