Reshjet e dendura të shiut të orëve të fundit kanë shënuar përmbytje edhe në Shkodër.
Në Ana Malit janë përmbytur rreth 50 ha tokë (fusha Muriqanit), nga përroji i përbashkët me Malin e Zi.
Në Rrethina mungon energjia elektrike në të gjitha fshatrat. Në lumin Kir prurjet janë normale.
Në Njësinë Administrative Postribë mungon energjia elektrike që në mëngjes.
Në Bërdicë mungon energjia elektrike në gjithë fshatrat, përmbytje ka në një pjesë të segmentit ku po punohet në rrugën Shkoder -Velipoj.
Në Guri Zi ka patur disa herë ndërprerje të vogla të energjisë elektrike, por që është rikthyer pas pak minutash. Ka prezencë të ujit në 40 hektarë tokë në zonën fushore të fshatit Rrenc, tokë e cila është e pa kultivuar! Ka prezencë të ujit në aksin nacional Shkodër-Mjedë.
Lumi Kir ka rritur ndjeshëm prurjet.
Në Velipojë mungon energjia elektrike në gjithë territorin për rrjedhoje dy hidrovorët nuk janë në punë. Tokë kënetë e përmbytur është afro 80 hektar toke.
