Edhe pse Policia njoftoi zyrtarisht se plagosja e efektivit të komisariatit nr 1 në Tiranë Ermal Bregu mbrëmjen e djsehme nuk ka lidhje me detyrën, grupi hetimor ka zbuluar një tjetër të vërtetë.
Sipas hetuesve, konflikti mes Bregut dhe dy personave tashmë në kërkim ka lindur pasi ata e kanë quajtur efektivin spiun, për shkak të profesionit të tij si efektiv policie.
Kjo ka qenë pikënisja e një debati të fortë mes tyre që ka vijuar në rrugë.
Aty 23-vjeçari Daniel Manushi ka nxjerrë pistoletën dhe ia ka vënë në kokë efektivit të policisë, por ky i fundit ka reaguar duke shmangur drejtimin armës e cila u shkrep dy herë.
Polici mori një plagë në dorë dhe një në bark.
Burime nga grupi hetimor kanë dyshime se efektivi i plagosur bashkëpunonte me persona me precedentë penale, duke iu siguruar informacione.
