Tre ish drejtuesit e lartë të Policisë së Vlorës që akuzohen për trafik droge, ndodhen jashtë shtetit. 2 prej të akuzuarve për trafik droge janë larguar gjatë këtij muaji ndërsi I treti ka ikur jashtë në muajin gusht. Njëri nga oficerët është larguar nga Shqipëria nga aeroporti i Rinasit më datë 9 Nëntor drejt Milanos. Ish-zyrtari i dytë është larguar drejt Malit të Zi më 29 Gusht nga dogana e Muriqanit dhe ish drejtuesi I tretë u largua përmes Kakavijes më 18 Nëntor. Pas marrjes së urdhër arresteve, policia organizoi të mërkurën aksionet për arrestimin e tyre por natyrisht pa I gjetur në banesa. Nga kontrolli janë sekuestruar prova materiale me vlerë për hetimet e mëtejshme dhe i janë dërguar zyrtarisht Prokurorisë për Krimet e Rënda, Tiranë. Për ish drejtorin e qarkut Vlorë, Jaeld Çela dhe për ish shefin e krimeve Gjergjo Kohila rëndojnë dy akuza: kultivim dhe trafikim të lëndëve narkotike. Ndërsa Sokol Bode, ish shefi I postës së policisë kufitare në Dhërmi, akuzohet për “kultivim të lëndëve narkotike dhe grup I strukturuar kriminal”. Këta persona dyshohen se kanë bashkëpunuar me grupin e trafikut që drejtohet nga Moisi Habilaj. Prokuroria dyshon se aksioni për kapjen e ish zyrtarëve, është dekonspiruar nga policia.
