Një ditë më parë u denoncua zhdukja e dy vajzave 16-vjeçare nga Kamza të cilat kishin shkuar në shkollë dhe nuk janë kthyer më në shtëpi. Të alarmuar, vëllai dhe babai i tyre kanë shkuar në Polici ku kanë kërkuar ndihmë si dhe kanë bërë denoncimin.
Pro sot kanë dalë detaje të për dyshimet se ato mund të kenë dalë jashtë kufirit shqiptar.
Familjarët dyshojnë se ato mund të kenë shkuar bashkë në Kosovë, pasi një prej shoqeve i kishte dëgjuar teksa flisnin me njëra-tjetrën për një udhëtim të tillë.
Ata kanë dyshime se vajzat mund të kenë udhëtuar në drejtim të Kosovës, megjithatë nuk kanë asnjë provë konkrete, përveç bisedave që kanë bërë me bashkëmoshataret e tyre në shkollë.
Denoncimi është bërë nga M. P., 23 vjeç, dhe B. O., 44 vjeç, përkatësisht vëllai dhe babai i vajzave të humbura, kanë edhe frikën e ndonjë trafikimi të mundshëm të adoleshenteve, pasi dyshojnë se mund të jenë gënjyer nga ndonjë person.
Pasi kanë pritur deri në orët e pasdites së të hënës që ato të ktheheshin vetë, familjarët fillimisht i janë drejtuar shkollës, ku kanë biseduar me mësuesit dhe me nxënësit e tjerë, nëse kanë pasur ndonjë organizim apo udhëtim jashtë Tirane. Megjithatë, ata u kanë mohuar të kenë pasur organizime të tilla.
