Edhe pse marrëdhënia e tyre kishte marrë fund, ish i dashuri vijonte ta shqetësonte. Të paktën kështu pretendon një vajzë nga Fieri, e cila i është drejtuar komisariatit të qytetit për të bërë një kallëzim pikërisht ndaj personit që dikur e kishte shumë të afërt.
Sipas burimeve policore, E.M., 26 vjeçe, është paraqitur një ditë më parë në Polici edhe ka kërkuar urdhër-mbrojtje duke thënë se ish i dashuri J.L, 31 vjeç e ka dhunuar psikologjikisht. Kërkesë që është pranuar nga Policia.
Kështu, ndaj 31-vjeçarit ka nisur një hetim. Materialet në ngarkim të tij, Policia bën me dije se i ka referuar në Gjykatën e Rrethit Gjyqësor Fier “për masa ndaj dhunës në marrëdhëniet familjare”.
