Këto pamje vijnë nga spitali i Bulqizës, ku të paktën 15 fëmijë të helmuar nga gazi i kaldajës së shkollës janë duke u trajtuar me urgjencë.Shumë të tjerë janë dërguar në spitalin e Peshkopisë dhe të tjerët, më lehtë, në kushte shtëpie.
Kaldaja e shkollës 9-vjeçare u provua sot për herë të parë në kohën kur nxënësit po zhvillonin mësimin. Rrjedhja e gazit ka qënë e madhe dhe ka shqetësuar të gjithë fëmijët, me dhimbje koke dhe të vjella e disa dhjetra prej tyre kaluan në gjendje më të rëndë.
Bashkë me prindërit e shqetësuar kanë mbërritur mjekët dhe policia, e cila ka nisur hetimet për shkakun dhe përgjegjësit për këtë ngjarje që mund të kishte shkaktuar tragjedi.
