Skandali në FSHZH/ Paravendoset fituesi i tenderit 45 milionë euro për rrugën e Lumit të Vlorës

Fondi Shqiptar i Zhvillimit ka mbyllur fazën e parakualifikimit të ofertave për tenderin e rrugës së Lumit të Vlorës. Kjo rrugë është 27.1 km, afati i ndërtimit 24 muaj. Dorëzimi i dokumentave të parakualifikimit ka përfunduar në 31 tetor ora 16.00 dhe kanë dorëzuar dokumentacion 18 kompani.

Një burim zyrtar i tha Citynews.al, se fituesi thuajse është paravendosur një kompani e huaj euro perëndimore, që gjithmonë nënkontrakton punime nga një kompani shqiptare është fituesja e tenderit. Mësohet se kompania ka një lidhje edhe me kreun e qeverisë Edi Rama. Burimet thanë se duhet vetëm të presim konfirmim pas kalimit të të gjitha fazave të këtij tenderi. Kompania euro-perëndimore do kalojë këtë fazë për tu shpallur fituese në fazën e dytë.

Ashtu siç ndodh shpesh, Fondi Shqiptar i Zhvillimit, tashmë e ka bërë praktikë që firmave aplikuese nuk ju jep procesverbal për dokumentacionin e dorëzuar dhe pranuar. Ndërkohë ARRSH i jep subjekteve procesvberbal për dokumentat e dorëzuara, FSHZH nuk e bën këtë veprim. Kjo krijon hapësirë për truket e shpeshta që fillojnë me heqje dokumentash nga dosja e kompanive të cilat mund të jenë konkuruese me ofertën e tyre ekonomike.

Burime thanë për Citynews.al se pritet që më tej në garë të ngelen rreth 6-8 kompani nga 18. Fituesi do të jetë miku i Edi Ramës i cili është paravendosur si fitues në tenderi me vlerë rreth 45 milionë euro me financim të Fondit Kuvajtjan të Zhvillimit.

Faza parakualifikuese sipas të dhënave zyrtare mbaron në Dhjetor 2017 – dhe më pas bëhët shpallja e fituesit, pra do na duhet të presim edhe disa javë për të mësuar të vërtetën e këtij skandali./Citynews.al

Aplikuesit per fazen e Parakualifikimit:

1. Mapa Construction dhe Trade Co
2. Nurol Insaat Ticaret
3. Electra Infrastructure
4. Cooperativa Muratori e Cementisti
5. Trace – ATM (JV)
6. Tirrena Scavi SPA
7. China State Construction Engineering
8. Vezzola
9. Strabag AG
10. Limak Insaat Sanayi Ve Ticaret
11. Sadeem Al Kuëait
12. Al – Kharafi & Sons
13. Combined Group
14. Akkord – Cakir Yapi
15. Todini
16. Societa Italiana per condotte d’aqua
17. INC spa
18. Gener 2 & Ing. E Mantovani