Vrasje, rrëmbim personi, trafik kokaine, kanabisi, etj. Këto janë disa prej akuzave që Policia e Fierit thotë se ka ngritur ndaj tre personave që janë arrestuar gjatë një operacioni të zhvilluar dje e sot.
Në një konferencë drejtori i Policisë së Fierit, Neritan Nallbanit u shpreh se kjo është goditja e parë e operacionit të koduar “Forca e Ligjit’. Sipas tij, ky është një grup kriminal që në skedën operacionale figuronte me aktivitet në fushën e narkotikëve, në zonën e Fierit. Janë sekuestruar armë dhe lëndë narkotike.
