Një aksident tragjik para pak minutash i ka marrë jetën një 37vjeçari në Sauk. Ngjarja e rëndë ka ndodhur tek rrethrrotullimi i Saukut, kur një makinë ka përplasur për vdekje 37 vjeçarin A.L i cili ishte duke kaluar rrugën.
Menjëherë në vendngjarje kanë mbërritur forcat e policisë, dhe ambulanca e cila ka nisur menjëherë për në spital 37 vjeçarin, i cili nuk ka mundur të jetojë dhe ka humbur jetën rrugës.
Ndërkohë që drejtuesi i mjetit E.D., 25 vjeç është shoqëruar në Komisariatin e Policisë Nr.1 për veprimet e mëtejshme.
