Një krim i rëndë në familje ka tronditur sot komunitetin shqiptar në rajonin e Friulli Venezia Giulia në Itali. Shqiptarja, Migena Këllezi është vrarë gjatë ditës së sotme nga bashkëshorti i saj Dritan Sulollari.
Ngjarja ka ndodhur në banesën e tyre në komunën Grasica në provincën e Goricas. Sipas policisë italiane Dritan Sulollari, 37 vjeç e ka goditur bashkëshorten disa herë me thikë. Plaga e marrë në fyt i ka shkaktuar vdekjen e menjëhershme 30 vjeçares.
Në momentin e ngjarjes në banesë gjëndej dhe djali i tyre 8 vjecar. Çifti shqiptar jetonte prej vitesh në Itali e kishin marrë nënshtetësinë italiane. Bashkëshorti Dritan Sulollari aktualisht ishte i papunë. Ai është arrestuar nga policia italiane me akuzën e vrasjes. Sipas fqinjëve çifti shqiptar ishte një famije normale dhe e qetë dhe kurrë nuk kishin shfaqur grindje mes tyre në publik.
