Pjesë e Task Forcës që do të ngrihet në kuadër të operacionit “Forca e Ligjit”, do të jenë edhe dy agjentë amerikanë të FBI-së.
Ata tashmë kanë mbërritur në Tiranë, ku kanë ndjekur edhe prezantimin e këtij operacioni që u bë në Ministrinë e Brendshme. Mësohet se dy agjentët e FBI-së janë Mark Newhouse dhe Jack Liao.
I pari është një agjent special i Byrosë Federale të Hetimit dhe ka një përvojë të spikatur për sa i përket çështjeve si krimi i organizuar dhe pastrimi i parave.
Ndërsa zyrtari i dytë i FBI, Jack Liao, është Drejtues i Byrosë për Evropën Juglindore.
Së bashku me ekspertë nga Gjermania, Britania dhe Italia, ata do të jenë pjesë e ekipit, që pritet të luftojnë në mënyrë të veçantë lidhjet me krimit të organizuar dhe politikës.
