Vëllai i kryeministrit Edi Rama, Olsi, flitet që do të jetë Drejtori i ri i Përgjithshëm i skuadrës së Partizanit.
Ka qenë gazetarja e TVSH-së, e cila ka deklaruar në Rubrikën Sportive, se Demi i ka propozuar postin e Drejtorit të Përgjithshëm Olsi Ramës, ky i fundit gjithashtu njihet si dhe tifoz i zjarrtë i ekipit të kuq.
Ndërkohë qe emrin e Olsi Ramës dhe miqësisë së tij me Gaz Demin e kemi dëgjuar shpesh falë akuzave të ish-kryeministrit Sali Berisha.
Lidhja Demi-Rama është përfolur gjithashtu për afera të ndryshme korruptive. Ndërkohë që Demi ishte një nga personat që i shkoi në shtëpi ish-ministrit të Brendshëm, Saimir Tahiri, një ditë para se të jepej vendimi në Komisionin e Mandateve, ku prokuroria kishte dorëzuar kërkesën për arrestimin e tij.
