Është mbledhur pasditen e sotme Kryesia e PS ku vendosi të zëvendësojë Saimir Tahirin në postet e tij drejtuese në këtë forcë politike.
Pas përfundimit të mbledhjes ka folur kreu i Grupit Parlamentar Taulant Balla i cili bëri me dije dhe dy emrat që do të drejtojnë Partinë socialiste në Tirane dhe se kush do të mbajë postin e koordinatorit kombëtar në PS.
Balla tha se: Blerina Gjylameti është emëruar kryetare e PS për Tiranën e ndërsa Spiropali koordinatore kombëtare.
Deputeti i PS-së u pezullua nga të gjitha funksionet pas daljes së përgjimeve nga Italia, ku përmendet edhe emri i tij, ndërsa prokuroria ka nisur hetimet.
Në mbledhjen e kaluar të grupit parlamentar, kreu i partisë Edi Rama, njoftoi largimin e deputetit Saimir Tahiri nga grupi, deri në zbardhjen e së vërtetës. Sakaq, atij iu hoqën edhe funksionet e tjera në PS.
Ndaj deputetit Tahiri, Prokuroria e Krimeve të Rënda ka nisur hetimet për implikimit të emrit të tij në dosjen e përgjimit të bandës së Habilajve.
