Dy xhaxhallarë janë dënuar nga Gjykata në Indi pasi rezultojnë se kanë përdhunuar mbesën e tyre 10 vjeçare.
Ajo u zbulua se ishte shtatzëne në muajin korrik, pasi iu ankua prindërve se kishte dhimbje stomaku.
10-vjeçarja ka rrëfyer se ishte përdhunuar disa herë gjatë 7 muajve të kaluar nga xhaxhai i madh, i cili ishte rreth të dyzetave.
Por, vetëm pasi u krye testi i ADN-së u zbulua se fëmija nuk ishte i xhaxhait të madh dhe policia nisi të kërkonte të dyshuarin dhe arrestoi këtë shtator xhaxhain e dytë, i cili edhe rezultoi babi biologjik i fëmijës së 10-vjeçares.
“Shtatzënia e vajzës u zbulua vetëm në muajin korrik, pasi vogëlushja ishte ankuar për dhimbje stomaku dhe prindërit vendosën ta dërgonin në spital. Megjithatë, vajza nuk ishte e vetëdijshme për shtatzëninë e saj dhe i thuhej se kishte gurëza në bark,”shkruan BBC.
Duke qenë se ligji indian nuk lejon abortin pas 20 javëve, vetëm nëse mjekët vërtetojnë se jeta e nënës është në rrezik, 10 vjeçarja solli në jetë foshnjën dhe iu dorëzoj autoriteteve për mirëqenien e fëmijëve.
Në Indi ka shumë raste kur vajzat e mitura përdhunohen dhe sërish organizatat e shumta nuk arrijnë të ndërhyjnë në këto struktura shoqërore.
