Në homazhet që po zhvillohen në Kavajë në Pallatin e Kulturës në nder të gazetares Adela Xhamani nuk ka munguar edhe ish-partneri i saj Bjordi Mezini.
I përlotur dhe shumë i mërzitur është shfaqur Bjordi pas djales nga pallati i Kulturës ku kreu homazhe. Me kokën ulur i veshur në të zeza ish-banori i “Big Brother” fshinte lotët teksa ecte.
Adela dhe Bjordi e deklaruan dashurinë e tyre në “Big Brother” dhe kjo lidhje zgjati për disa vite. Adela Xhamani u nda nga jeta pas një arresti kardiak ditën e djeshme në orën 04:00 të mëngjesit. Sot në orën 14:00 do të kryehet edhe ceremonia e varrimit të saj.
Figura të njohur, familjarë, miq janë duke kryer homazhet në ndre të saj, ndaj gazetares që besoi në veten dhe ëndrrat e saj. Adela Xhamani u shua në moshën 31-vjeçare.
