Policia italiane e Raguzës ka kryer mëngjesin e sotëm operacionin e koduar “Pako dhuratë”, i cili ka çuar në arrestimin e shtetasit shqiptar Emiljan Korreshi, 23 vjeç, me akuzën e trafikut të lëndëve narkotike të tipit marijuanë e kokainë.
Shqiptari sapo kishte mbërritur nga Roma në komunën Modica të Raguzës e në çantën e tij të udhëtimit u gjetën 5 kg marijuanë e konfeksionuar në 5 pako, si dhe rreth 30 gramë kokainë.
Vlera e drogës së sekuestruar përllogaritet të jetë rreth 55 mijë euro, raportojnë mediat lokale.
23-vjeçari shqiptar, Emiljan Korreshi, është shoqëruar në burgun e Raguzës në dispozicion të autoriteteve gjyqësore.
